आयडीबीआय बँकेत नोकरीची सुवर्णसंधी, १३०० जागांसाठी भरती प्रक्रिया सुरू 

एज्युवार्ता न्यूज नेटवर्क

बँकेत नोकरी करू इच्छिणाऱ्या तरूणांसाठी महत्त्वाची बातमी समोर आली आहे. आयडीबीआय (IDBI) बँकेत १३०० पदांसाठी भरती (IDBI Bank Recruitment Process) जाहीर झाली असून, यात कनिष्ठ सहाय्यक व्यवस्थापक (Junior Assistant Manager) आणि सहाय्यक व्यवस्थापक (Assistant Manager) या पदांचा समावेश आहे. इच्छुक आणि पात्र उमेदवार ८ मार्च २०२६ पासून idbibank.in या अधिकृत वेबसाइटवर अर्ज करू शकतात. अर्ज प्रक्रिया ऑनलाइन पद्धतीने राबवण्यात येणार आहे. अर्ज करण्याची अंतिम तारीख १९ मार्च (Last date 19 March) २०२६ पर्यंत देण्यात आली आहे. 

या भरती मोहिमेअंतर्गत ज्युनिअर असिस्टंट मॅनेजर पदांच्या ११०० जागा तर असिस्टंच मॅनेजर या पदाच्या २०० जागा भरल्या जाणार आहेत. या पदांसाठी अर्ज करणाऱ्या उमेदवारांकडे मान्यताप्राप्त विद्यापीठातून बॅचलर पदवी असणे आवश्यक आहे. बँकेने दोन्ही पदांसाठी वयोमर्यादा देखील निश्चित केली आहे. ज्युनियर असिस्टंट मॅनेजर (ग्रेड ओ - रीजनल) पदासाठी, अर्जदारांचे वय २० ते २८ वर्षांच्या दरम्यान असणे आवश्यक आहे. तर असिस्टंट मॅनेजर या पदासाठी उमेदवाराचे वय हे २० ते २५ वर्षांच्या दरम्याने असणे आवश्यक आहे. आरक्षित प्रवर्गातील उमेदवारांना भरती नियमाप्रमाणे सवलत दिली जाईल. 

आयडीबीआय बँकेच्या भरती प्रक्रियेसाठी उमेदवारांची निवड ही ऑनलाइन लेखी परीक्षेतून केली जाईल. लेखी परीक्षेसाठी उमेदवारांना तार्किक प्रश्न, गणित, इंग्रजी आणि सामान्य ज्ञान याची तयारी करावी लागणार आहे. लेखी परीक्षा उत्तीर्ण होणारे उमेदवार आयडीबीआय बँकेच्या भरती प्रक्रियेच्या मुलाखत प्रक्रियेच्या टप्प्यासाठी निवडले जातील. आयडीबीआय बँकेच्या भरती प्रक्रियेच्या अधिक माहितीसाठी, इच्छुक उमेदवारांनी नियमितपणे बँकेची अधिकृत वेबसाइट idbi.bank.in भेट देण्याचे आवाहन करण्यात आले आहे.